التصنيفات
منوعات

حظك اليوم وتوقعات الأبراج من ماغي فرح الخميس 30 يوليو 2020

ماذا يحمل برج لك اليوم؟ هيا نطلع على توقعات ماغي فرح للأبراج اليوم

برج الحمل

مهنياً : الكثير من الإتصالات ودعوات وعزائم اليوم. طاقتك ايجابية ونشيط وبتحس بتحرر من القيود كانت مفروضة عليك بشغلك وبيتك وعندك فرصة لتحقق شهرة وسمعة وعامل ضجة. فرص جديدة بتجي لعندك بتحسن وضع العمل والمال وتنقلات بيومك وزيارات واتصالات وخبر حلو كتير ناطرك. بتكسر الروتين الموجود عندك وفرصة لأخذ إجازة من العمل.
عاطفياً: جذاب وساحر والكل عينو عليك ممكن تسمع كلام حلو ومديح. الكثير من خيارات ومش حابب تعمل مشاكل او تصعد اي خلاف عم تكون دبلوماسي كتير. الحظ حليفك اليوم وعندك خيارات عاطفية جديدة. نهارك رايق ويومك بكون حلو وداعم لتعترف بحبك او لتكسب قلب شخص.
صحياً: اتبع نظام غذائي وانتبه من الاكثار من تناول الموالح والحلو والمنبهات بكثرة.

برج الثور

مهنياً: يحتل المال إهتمام كبير عندك اليوم وخبر حلو في طريقه لعندك وكتير متفائل. اجتماعي وفي حلول لمشاكلك وعندك قصص مالية او قضائية او عقارية بتنحل. يوم في حكي بقصص مالية ونقاشات او حوالات وممكن تحصل على مال او قصة موارد شراكة مالية او ميراث . ما تعتمد على الحظ اليوم وإعتمد على مجهودك وأعطي افضل ماعندك يوم في استقرار نسبي خطوات جديدة وايجابية.
عاطفياً:بحاجة لتكون بحد الشريك واستغل يومك. مابعرف اذا الشريك مشغول او في بعد روحي جسدي بينك وبينو. فكر بعلاقتك تقرب اكتر واعطي الاهتمام ولا تفكر بافكار سودة تأثر بعلاقتك.
صحياً: غير جو مع ناس بتحبك إرتاح من ضغوط.

برج الجوزاء

مهنياً: حاول تكون دبلوماسي اليوم لأن المال بيشغلك اليوم حتى ما تخسر شريكك. واصلة اعمالك بالبيت وبشغلك وكون اجتماعي. عم تبذل جهد وعم تساير ما تتسرع بكلامك او تدخل بمواجهات حتى لا تنفعل وتعصب حاول بعّد اجواء العمل الروتيني وضب ايدك مالياً والبعض ممكن عندو شراكة جديدة.
عاطفياً:متقلب ومافي استقرار ممكن سبب اشخاص مصالح حولك وبلاخص الفترة الي راحت كان عندك عقبات ومشاكل وضغط نفسي وكانت الامور متوترة. حافظ على الهدوء وركز وساير ممكن امورك تروح نحو الاستقرار عندك اتصال مهم او ممكن تلتقي بشخص اما جديد او غالي عليك.
صحياً:كون حذر وهتم بحالك كتير اليوم.

برج السرطان

مهنياً: عندك كتير من الأشغال اليوم وبتحس ماشي عم يظبط معك وبتوصل لحل يغير كل واقعك المهني وبكون لصالحك. الاعباء عم تكبر خلص شغلك بكير وما تخلي الاعمال تتراكم عليك ونتبه عصحتك منيح. رتب امورك وفكر بشي جديد عيد حساباتك وقصة عقار بتشغلك يوم اجتماعي حاول تغير جو.
عاطفياً: تواصل واتصالات وحاول تكون دبلوماسي وهادي ونتبه من اي سوء تفاهم بيومك حاول لا تكبر القصة .. ركز منيح بهاليوم ولا تدخل بعلاقات او تستمر بعلاقة مارح تجبلك نتيجة وتوقع اجواء عاطفية مهمة بلقاءات وممكن ارتباط بشكل مفاجئ وسريع ..
صحياً:المشي اليومي بيدعمك نفسياً وصحياً وبصفي ذهنك وبخليك تبتعد عند ضغوط والهموم والمشاكل وما تعب حالك كتير.

برج الأسد

مهنياً: في عندك كتير شغل اليوم وبدك تخلصوا كلو. يوم داعم وتحسن ايجابي  وفي خبر منيح معنوي الك بخليك تكون متفائل. طاقة ايجابية وتغيير نحو الافضل الحظ حليفك ولازم تبذل جهود بتحل مشاكل ضمن بيتك وشغلك او اذا عندك امور قضائية وادارية بتنحل قريباً. ممكن يجيك مال حتى بعض نساء في مولود قادم او حمل.
عاطفياً: العين عليك وعندك جاذبية وسحر وكلام حلو بتقدر تمتلك قلب الشريك وبتقضي وقت معو بين اتصال اولقاء وتواصل طويل.
صحياً: يمكن يصير معك وعكة صحية فنتبه على حالك منيح اليوم يا برج الأسد.

برج العذراء

مهنياً: حاول تبذل كتير من المجهود اليوم كرمالك عم تتريث والأمور ما عم تمشي لصالحك. يوم روتيني بس ما تخلي الضغوطات النفسية تأثر عليك وحل مشاكلك بهدوء وما تفوت بنقاشات مش قدها وبعد عن المشاكل. خود قرار بسرعة لحل المشاكل العائلية وترتاح من الضغوط وفي أشخاص ناطرن خبر حلو وبفرحك كتير إلك كمان.

عاطفياً: ممكن بعضالعلاقات القديمة عم ترجع وتواصل متقلب والمسا بتكون أحسن. كون هادي بيومك وخليك صاحي ومستعد ضغوط عليك كتيرة بس يمكن مافي راحة وملل وضجر بعلاقاتك وحتى ممكن من اي شي تعمل مشكلة او تتنرفز وعندك كتير انتقاد. هدي حالك وحل الأمور برواق وبلا انفعال. روق للمسا لان الوضع بسهرة غير وعم تخطط لشي مع الشريك وحب عندك.
صحياً:صداع والم بالمعدة ولازم تلاقي حل لانو عم تتكرر عندك هالأوجاع شوف طبيب لتلاقي لعلاج.

برج الميزان

مهنياً: اليوم ااحظ حليفك بأجواء اجتماعية وعائلية وعزائم في عندك تنقلات او مشوار او سفرة قصيرة يوم داعم للاتصالات بشكل منيح وعم يكون في ناس حدك والهالفترة لازم تريح حالك منيح. ممكن مقبل على شغل جديد لتحسن امورك المادية وممكن تشغلك قصة عقار او ارض. البعض عندو نجاح وتفوق وبدي قلك مبروك يا بؤج الميزان.
عاطفياً:مميز بيومك اطلالة حلوة وساحر بحضورك. عم تكون اكتر دبلوماسية بعلاقتك العاطفية وبقراراتك وفي تواصل ولقاءات وتنظيم وعم تتفق انت والشريك على مخططات مستقبلية وما تخلي تشائم يسيطر عليك.
صحياً: ما تعب حالك وترهق نفسك عليك ورتاح شوي لتستعيد طاقتك وعافيتك لتنطلق وفي أجواء حلوه ناطرتك.

برج العقرب

مهنياً:عندك قبض ودفع اليوم وممكن عندك تسديد التزامات وفواتير وتصليحات وعم ترتاح من هم مالي. ضب ايدك شوي عم تمر بوضع مادي في صرف والبعض عم يدفع منيح هاليوم. انت بحاجة لحلول عم تبذل جهد بيومك شكل مشغول بقصة ما او عم تحضر لشي وماعم تلحق رتب امورك منيح ونظم وقتك وفي خبر حلو جايه لعندك اليوم.
عاطفياً: بادر ولا تتردد بالمحاولة لا تيأس من وضعك لتحصل ع شي البدك ياه بادر بخطوات ايجابية وحافظ على وضعك.
صحياً: شيل القلق والمخاوف الي تعبتك بالفترة الماضية.

برج القوس

مهنياً: تسهيلات اليوم كتير وعم تتخلص من قصص تعبتك بالبيت وبشغلك اخدت وقت طويل منك. طاقتك اليوم ايجابية لتابع شغلك واعمالك ورح تحصل على ترقية او مكافئة مادية قريباً جداً او ممكن تتلقى عرض جديد كون متفائل. يوم حلو وجيد اجتماعياً تواصل ومحبوب وخبر مفرح جايه لعندك
عاطفياً:العين عليك اليوم وفي كتير تواصل بينك وبين الشريك هلق اكيد مش كلشي متل مابدك بس الاجواء اليوم افضل وتفاهم ولانسجام وما تخلي شي يأثر على علاقتك بلاخص موضوع شغلك.
صحياً:شوية اضطرابات بجسمك او التهابات وكريب.

برج الجدي

مهنياً: البوم أنت بحاجة تعمل تغييرات وتطلع من وضعك وتكون واقعي وما تكبر القصص وتعمل لحالك مشاكل وتعب وارهاق. ما تعمل شي ماعندك خبرة في ولا تكبر القصص واذا في مساعدة بيومك لا تقصر. نتبه على مصاريفك والمسا بتبلش ترتاح من ضغوطات الكتيرة.
عاطفياً:تحسن تدريجي بوضعك وبعلاقاتك وبتحسم امورك وبتلاقي حلول افضل لوضعك يوم بيحملك تواصل وتغييرات كتيره بلاجواء. ما تفوت بعلاقات ما إلها نتيجة ورح تسبب الك بعض المشاكل والهم. المسا عندك تغيرات حلوة واجواء ناطرتك بصحبة الشريك.
صحياً: نتبه على نومتك البوم وممكن يكون عندك مشاكل مفاصل واسنان.

برج الدلو

مهنياً: عندك تغيرات اليوم وبتتلقى مساعدة وفي عندك حكي او اتفاق مالي.  بتنقلات كتيرة والناس حدك ووفي عزائم وممكن يكون في لقاء واتصال مهم. لا تخلي طاقة سلبية تأثر عليك وتخليك بجو ممل وروتيني وتستسلم للواقع .. استغل المواقف لتحل بعض مشاكلك بلاخص المالية والعائلية والعاطفية بهدوء.
عاطفياً: الأجواء حلوه اليوم بس ما تخلي شي يأثر عليك واستغل هالوضع. يوم حساس بنسبة لك وممكن مناقشات عم تثير حساسية بينك وبين الشريك يجب عليك ان تكون متفهم ونتبه لكلامك وتصرفاتك. افتح قلبك من جديد وفي حب ناطرك اذا كنت أعزب.
صحياً: نتبه على اكلك وبلأخص الحموضة المزعجة بالمعدة جرب غير جو ومبسط ورفه عن نفسك.

برج الحوت

مهنياً: امر طارئ بخص شغلك او دراستك وعلاقاتك وامور قضائية وببيتك بتشغلك اليوم. كون رايق ولا تكبر المواضيع ماشي بيستاهل رتب امورك ولا تستعجل كون دقيق وحذر بتعاملك وفي عندك مرحلة مهنية افضل قريباً. اجواء اجتماعية افضل ولمة حلوة  مع الناس لي بتحبا وفي مشوار المسا.
عاطفياً: ما تصعد الخلافات وكون هادي وتجنب كل المشاكل وبتعد عن العصبية بشكل كبير مرق هاليوم على خير. لان قدامك فترة منيحة وتغييرات مستقبلية حلوه.
صحياً: اضطرابات بجسمك ممكن تصير معك اليوم وممكن مشاكل هضمية اي شي بتحس في لازم تستشير دكتور.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *